"Bertso bakarrizketak" gisa aurkeztu duten Barre Kluba ikuskizunaren lehen edizioa hartuko du urriaren 4an Zestoak, eta sarrerak salgai daude dagoeneko.
"Umorea, bertsolaritza eta tokiko gastronomia uztartzen dituen kultur proposamen berezia" izango da 19:30ean hasita kiroldegiko aterpean gauzatuko dutena. Afari merienda egingo dute lehendabizi, eta ondoren hasiko da bakarrizketak eta bertsoak uztartuko dituen ikuskizuna. Besteak beste, Nerea Ibarzabal eta Andoni Egaña bertsolariek parte hartuko dute Ana Goitiak gidatuko duen ordu eta erdi inguruko saioan. "Ez da bakarrik barre egiteko… baina batez ere bai!", diote antolatzaileek.
Sarrerak Portale kulturgunean zein Interneten jarri dituzte salgai, 30,60 eurotan sarrera solteak, eta 114,24 eurotan lauko bonuak.