Ur horniduran izandako matxura bat konpondu ahal izateko, Iraeta eta Zestoa arteko bidegorria itxita egon da asteazkenetik. Gaurtik berriro zabaldu dute bidegorri zati hori. Zestoako Udalak esan du, Gipuzkoako Urakek konponketak ez dituela bukatu oraindik, baina lan horiek egiteko eremua bidegorriaren ibilbidetik kanpo kokatu dute.
Dena den, udalak ez du baztertzen laster bidegorria berriro itxi behar izatea. Hala bada, ordea, Zestoako Udalak ohar bidez aurretik jakinaraziko duela azaldu dute.