Ur horniduran izandako matxura bat tarteko aurreko astean Iraeta eta Zestoa arteko bidegorria itxita egon da. Azken egunetan zabaldu egin dute, baina bihar, asteazkena, berriro itxi egingo dute oinezkoentzako eta bizikletentzako, jakinarazi du Zestoako Udalak.
Gipuzkoako Urakek ur kontsortzioaren hoditerian aurkitu duen ur-ihesa konpondu beharra daukalako itxiko dute Iraeta eta Zestoa arteko bidegorria. Behin hori konpondutakoan berriro zabalduko dute, baita horren berri emang ere. Ez dute zehaztu zenbat denbora beharko duten lanak bukatzeko.
Udalak adierazi du matxura konpontzeko zulo handi bat egin behar izan dela, eta bertatik igarotzea oso arriskutsua dela. Herritarrei erantzukizunez jokatzeko eta bidegorria itxita dagoen bitartean handik ez pasatzeko eskatu die erakundeak.