Egun osoko festa eguna izango da igandean San Lorente auzoan

Julene Frantzesena 2025ko abu. 4a, 10:06

Hainbat ume San Lorente auzoko jai batzuetan. (Maialen Etxaniz)

San Lorentzo egunez, meza, hamaiketakoa, umeentzako jolasak, bertsolarien emanaldia nahiz kantaldia izango dira auzoan.

San Lorentzo eguna izango da datorren igandean, abuztuaren 10ean, eta ohikoa denez, San Lorente auzoan egun osorako egitaraua prestatu dute.

Aurrena, 11:00etan, bailarako hildakoen aldeko meza egingo dute auzoko baselizan. Gero, bertsolariak ariko dira kantuan, eta umeek jolasez gozatu ahal izango dute. Gainera, auzora joaten direnek jan-edanerako tartea izango dute; izan ere, auzotarrek txakolina eta pintxoak banatuko dituzte. Arratsaldean, berriz, kantu emanaldia izango da, Garazi abeslariaren eskutik.

Hona hemen San Lorentzo eguneko egitaraua:

  • 11:00. Meza.
  • 12:00. Bertsolariak.
  • Segidan, umeentzako jolasak eta hamaiketakoa.
  • 18:00. Garazi abeslariaren emanaldia.

Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide