Amillubi Lurra Taupaka proiektuko kideek aurten martxan jarri duten Auzo(p)lana egitasmoaren baitako saio berri bat antolatu dute iganderako. 09:00etan auzolanera deitu dituzte herritarrak, eta amaitzean, 12:30ean, kolektiboki erositako lurretan egiten ari diren lanak eta martxan dituzten kultiboak erakutsiko dituzte bisita gidatu batean.
Auzolana eta bisita eginda, 14:00etan, proiektuko arduradunek sasoiko produktuekin prestatutako mokadutxoa eskainiko diete Iraetako baserrira laguntzera joango diren lagunei. Edozein zalantza argitzeko, koordinazioa@amillubi.eus helbidera idatzi dezakete herritarrek.