Kalekatu elkartearen ekimenez, bigarren eskuko azoka egingo dute igandean Zestoako udaletxeko arkupeetan, 10:00etatik 15:00etara. Kaleko katuak zaindu eta adopzioan jartzeko lan egiten duen elkarteak bere postua jarriko du, eta kalean bizi diren katuei laguntzeko erabiliko du irabazitako dirua.
Kalekaturena, baina, ez da igandean jarriko duten postu bakarra izango. Arropa, liburuak, haurrentzako jolasak eta bestelako tresnak ere izango dira salgai.