Zestoako Ekain guraso elkarteak horma irudi bat margotuko du bihar eta etzi, herriguneko parkearen eta kultur etxearen ondoko horma batean. Euskararen aldeko mezua duen irudi bat egingo dute. Bi egun horietan 16:30ean hasiko dituzte margoketa lanak, eta herritarrei horretan laguntzeko deia egin die.
Horma irudiaren diseinua Garazi Larrañagak egin du, eta harena izango da margonala egitearen ardura. Dena den, herritarrek margotzen laguntzeko aukera izango dute. Margoketan parte hartu nahi dutenek arropak zaharrak jantzita eta norbere pintzelarekin joan beharko dute hitzorduetara.