Furgobaratzaren beste saio bat izango da asteazkenean Iraetako baratze parkean. Kimubat enpresak eta Zestoako Udalak antolatuta, baratzeetan ohikoak diren gaixotasunen eta izurrien inguruko tailerra eskainiko dute, 18:00etatik 19:30era bitartean.
Hirugarren saio bat ere gauzatuko dute: irailaren 18an izango da, eta neguko baratzea izango dute hizpide. Lehen saioa, berriz, maiatzean eskaini zuen Kimubatek, tomateei buruzkoa, eta saio haren kronika jaso zuen Gukak.