Zestoako Ibañarrieta auzoan santakutzak ospatzen ari dira gaur, igandea. 12:00etan, ohiko moduan, meza nagusia egin dute Santo Kristo ermitan, eta ondoren, umeentzako jolasak zein Zapo Jokoa izan dira. Auzotarrak eta hara joandako zenbait lagunek parte hartu dute goizeko ekintzetan.
Nolanahi ere, arratsaldean izango du jarraipena festak. 17:00etan, berriz, Iago Magok ikuskizuna eskainiko du, eta herri kirol erakustaldiarekin amaituko dituzte auzoko festak, 18:30ean. Honako hauek parte hartuko dute: Jon Unanue Goenatxo III.a eta Xabier Aranbururen Guzta harri jasotzaileak eta Eneko Otaño zein Eneko Saralegi aizkolariak.