Pazko Asteko opor egunetarako bi ekintza berezi antolatu ditu Zestoako Gaztelekuak. LHko 3. zikloko zein DBHko ikasleei zuzenduta.
Apirilaren 24an, osteguna, egingo dute lehendabizikoa, ginkana bat; hiru orduz ibiliko dira gaztetxoak jolasean, 16:00etatik 19:00etara.
Ostiralean berriz, apirilaren 25ean, Bizkaia Park Abenturan egun pasa egingo dute, eta Bizkaiko Gueñes herrian dagoen jolas parkera joan nahi dutenek apirilaren 11 baino lehen eman behar dute izena, 688 68 40 29 telefono zenbakira Whatsappez mezua idatzita. Hilaren 25eko irteera horretarako autobusak Aizarnatik (08:45ean, plazan), Arroabetik (08:45ean, Olaetako geltokian) zein Zestoako herrigunetik (09:00etan, Gurutzean) irtengo dira. 17:00 eta 17:15 inguruan itzuliko dira txangolariak etxera.