Maiatzaren 17rako Erresistentzia Jaialdia antolatu dute Zestoako Gazte Asanbladak eta Defentsa Komunitateak, langile kontrolpeko espazioek bizi duten "egoera larriari" erantzuteko eta "errepresio juridikoari eta ekonomikoari" aurre egiteko.
Jaialdi berezia izango da; izan ere, punta-puntako hainbat musika taldek kontzertuak eskainiko dituzte plazan, 18:00etatik aurrera. Agertokian izango dira etxeko hainbat talde, hala nola Rodeo zein Ke Lepo. Horiez gain, Kaparrak, La Txama, J Martina, Hazas & Jagoba, Malakias MX3, Mutiko eta Eire taldeen emanaldiak ere izango dira.
Jaialdirako sarrerak salgai daude dagoeneko Zestoako Fati eta Azpeitiko Haginpe tabernetan, hemezortzi euroren trukean. Sarrerak on line ere eros daitezke honako lotura honetan, hemeretzi euro ordainduta.