Gipuzkoako Udaberri Sariko eskuz binakako lehendabiziko hiru finalak jokatuko dituzte bihar arratsaldean Alegiako Elorri pilotalekuan, eta hirutik bitan ordezkariak izango ditu Zestoako Abantzu elkarteak.
Julen Odriozolak eta Oier Alonsok nagusien Lehen Mailako finala jokatuko dute Errenteriako Epleko Imanol Odriozolaren eta Iker Urmenetaren kontra. Kadeteen Bigarren Mailan, berriz, Mikel Zabalak eta Oinatz Izagirrek ordezkatuko Abantzu, etxean ariko diren Intxurreko Egoi Garaikoetxearen eta Haritz Leoren kontrako finalean.
19:15ean hasiko da lehen finala bihar Alegian. Zestoakoak bigarren eta hirugarren partidetan ariko dira, kadeteak bigarrenean eta nagusiak hirugarrenean, hain zuzen.