Zestoako Udalak antolatzen dituen udaleku irekietarako koordinatzaileak eta begiraleak kontratatzeko lau lan poltsa osatuko ditu erakundeak lehiaketa bidez, eta izena emateko deialdia zabaldu du.
Hain zuzen, udaleku irekietarako begiraleen, udaleku irekietako koordinatzaileen, kirol udalekuetarako eta Uda Gazte programarako kirol begiraleen, eta azken esparru horretako koordinatzaileek lan poltsak zabaldu ditu, eta interesa dutenek martxoaren 24ra artean izango dute izena emateko aukera, honako modu hauetara:
- Zestoako Udalaren erregistro elektronikoaren bidez, Zestoa.eus webgunearen Tramiteak atalean.
- Zestoako Udalaren erregistroan (Foruen plaza 1). 08:00etatik 14:00etara.
- Posta bidez. Kasu honetan, posta-bulegotik zein egunetan bidali den justifikatu beharko da eta, egun berean, korreo elektronikoz eskaintza bidali dela jakinarazi beharko da gazteria@zestoa.eus helbidean.
Izena emateko jarraibideak, bete beharreko orriak eta lau deialdien oinarriak lotura honetan daude.