Zestotik Mahaira II. Akroekologia Zikloak aurrera jarraitzen du, eta egitasmoaren barruan, Trebatu programaren aurkezpena izango da etzi, asteazkena, Alonderon. 18:30ean hasiko da saioa, eta Landaola Gipuzkoako landa garapen elkarteen federazioko Yurre Peñagarikanok eta Trebatu programako Telmo Gartziak gidatuko dute.
Eusko Jaurlaritza, Gipuzkoako Foru Aldundia, Landaola, Lurgintza, Abelur, Elika fundazioa, Hazi, Lanbide, Etolur eta Fraisoro eskola dira proiektuaren sustatzaileak, eta Gipuzkoako lehen sektorearen errelebo faltari aurre egitea du helburu. Hain zuzen, nekazaritzan ibilbide profesionala garatu nahi duten ekintzaileei zuzendutako programa da.