Abenduaren 11n, asteazkenez, Amancay Gaztañagaren Martin Martina trilogiaren aurreneko bi liburuen irakurketa dramatizatua eta solasaldia egingo dituzte Zestoako Lili jauregian. Herriko zenbait nerabe arduratuko dira irakurketa saioaz, 18:30ean hasita.
Ekitaldira bertaratu nahi dutenek gonbidapenak turismo bulegoan eskatu beharko dituzte. Edukiera mugatua izango da.
Trilogiaren aurreneko liburua urtarrilean aurkeztu zuen Gaztañagak, Martin Martina eta urrezko orraziaren misterioa izenekoa. Bigarrena, Martin Martina eta sorginen batzarra, abenduan kaleratuko dute, eta hirugarrena, Martin Martina eta gauekoak, 2025eko udaberrian. Aurreneko bi liburuen errezitala eta solasaldia egingo dituzte Lili jauregiko ekitaldian.