Zestoa Osasuntsu programaren barruan Azpeititik Zestoara irteera luzea antolatu dute asteazkenerako. Ohikoa den moduan Zestoako kiroldegiaren aurrean elkartuko dira parte hartzaileak, 08:50ean, eta ondoren autobus geltokira joango dira, Azpeitira doan autobusa hartzeko. Antolatzaileek autobuseko txartela eramateaz oroitzeko eskatu dute.
Guztira zortzi kilometro eta erdi egingo dituzte oinez, eta indarrak berreskuratzeko hamaiketakoaz gozatuko dute amaieran.