Santa Zezilia zaindariaren eguna ospatzeko kontzertu berezia antolatu du aurten Zestoako Musika Bandak. Santa Zezilia egunean bertan, azaroaren 22an, ostiralarekin, Rockalean taldearekin batera emango du kontzertua bandak, kiroldegian, 20:00etan hasita.
Euskaraz, gaztelaniaz zein ingelesez rock kantu ezagunen bertsioak kalez kale ematen dituen taldea da Rockalean. Beraz, normalean kalean aritzen diren bi taldek bat egingo dute kiroldegian hilaren 22an.
Emanaldi berezi horretara joan nahi dutenek dagoeneko eskura ditzakete sarrerak; Turismo Bulegoan zein laiak dendan jarri dituzte aurrez salgai, 5 euroren truke.