Amillubi egitasmoaren sustatzaileek auzolana eta liburu aurkezpena prestatu dituzte larunbaterako. 09:00etan hasiko dira lanean Amilibia baserrian eta haren inguruko lurretan, eta ondoren, 12:00etan, Haziak. Zergatik eta nola egin zureak liburuaren aurkezpena egingo dute Miguel Arribasek eta Marc Badalek. Gero, solasaldia gauzatuko dute, eta mokadutxoa egiteko parada ere izango dute hara joaten direnek.
Auzolanean parte hartu nahi duten herritarrek info@amillubi.eus helbide elektronikora mezua bidalita eman beharko dute izena. Biolurrek, Amillubik eta Portale kultur elkarteak antolatu dute larunbateko hitzordua.