Irailaren 6an eta 8an zekorketak egingo dituzte Zestoan, Amabirjin jaietan, eta antolatzaileek jakinarazi dituzte egun horietan zein toreatzaile eta zezen izango diren plazan.
Irailaren 6an, ostirala, Ruiz de Velasco izango da toreatzailea, eta haren ordezkoa Eduardo Rodriguez izango da. Hilaren 8an, igandez, Sergio Rollon toreatzailea aterako da zezenaren aurrera, eta haren ordezkoa Miguel Bernal izango da. Bi egun horietan Oropesako (Toledo, Espainia) Adolfo Rodriguez Montesinos ganadutegiko zezenak toreatuko dituzte.
Bi zekorketak 18:00etan izango dira. Zekorketa bakoitzerako sarrera hogei euro ordaindu beharko dute helduek; haurrek, berriz, hamar.