Zestoako eta Urepeleko ekoizleak ezagutzeko topaketa bihar, asteazkena, egingo dute. Joan den astean hitzordua atzeratu ostean, gaur jakinarazi du data berria Zestoako Udalak.
Hori hala, bihar 10:00etan aterako dira Amillubi baserritik, eta hortik abiatuta egingo dituzte bisitak Amillubira, Sakona-Komuntzora, Ertxiñekora eta Azpeitiko Elikagunera, askotariko produktuak ezagutuz. Sabela betetzeko, berriz, Ekain sagardotegian bazkaria egingo dute. Itzulera 19:00 aldera egitea aurreikusi dute.