Zestoako Musika Bandak emanaldi berria prestatu du, eta hori herritarrei erakusteko kontzertua emango du gaur iluntzean. Kepa Martinez de Albeniz zuzendariaren gidaritzapean, Hans Zimmer konposatzaile alemaniarrak hainbat film entzutetsutarako sortutako piezak joko dituzte zuzenean.
Hain zuzen ere, zazpi filmetako soinu bandak joko dituzte, eta honakoak dira film horiek: The Da Vinci Code, Pearl Harvour, Prince of Egypt, The Last Samurai, The Lion King, Music from Gladiator eta Pirates of Caribbean. Emanaldia kiroldegiko estalpean izango da, 22:30ean hasita.