Kontua eta zikina izenburupean helduentzako ipuin kontaketa saioa eskainiko du Ixabel Agirresarobek etzi, osteguna, Zestoan. Zestoako AEK euskaltegiak antolatu du saioa, 18:30ean, Alonderon.
Zera dio Kontua eta zikina emanaldiaren sinopsiak: "Ahozko tradiziotik jasotako istorio eta gertaera zelebre eta aldarte onekoak dira. Gure burua behin baino gehiagotan irudikatuko dugu aipatutako istorio hauetan. Jakin nahi al dituzu zeintzuk diren istorio hauek?"