Erremontari Herriz Herri txapelketako bi partidaz gozatzeko aukera izan zuten atzo arratsaldean Zestoako pilotalekuan. 19:00etatik hasita, bi partida jokatu zituzten han, erremonte zale mordoaren animopean.
Lehenengo partidan, Gurrutxaga aizarnazabaldarra eta Goikoetxea VI.a zestoarra aritu ziren Susperregiren eta Aiestaran VI.aren aurka. Lehenengo bikotearentzat izan zen garaipena, partida 2 eta 1 (10-15, 15-12, 8-6) amaitu ostean.
Bigarren partidan, Segurola aizarnazabaldarrak eta Azpirozek Jabaleraren eta Juanenearen aurka jardun zuten nor baino nor. 1-2 (15-11, 13-15, 7-8) amaitu zen zen partida, Jabaleraren eta Juanenearen alde.