Zestoa Osasuntsu programaren barruan Aizarnazabaldik Zestoara irteera luzea antolatu dute asteazkenerako. Ohikoa den moduan Zestoako kiroldegiaren aurrean elkartuko dira parte hartzaileak, 09:20ean, eta ondoren autobus geltokira joango dira, Aizarnazabalera doan autobusa hartzeko.
Guztira zazpi kilometro inguru egingo dituzte oinez, eta indarrak berreskuratzeko hamaiketakoaz gozatuko dute amaieran.