Jan-edanerako hitzordu aparta izango dute larunbatean Zestoan, Laiak dendak antolatutako IX. Ardo Dastaketan. Hamabi upategik hartuko dute parte aurtengo edizioan: Aimarez, Guzman Aldazabal, Monteabellón, Rioja Bordon, B. Mazuela, Finca Tobelos, Zudugarai, Ramirez de la Piscina, Aitaren, Garcia Olano, Ondarre eta Finca Lastarmosa upategiek jarriko dituzte postuak. 12:30etik 14:30era bitartean izango da, kiroldegiko aterpean.
Halaber, ardoari laguntzeko askotariko pintxoak prestatuko dituzte Marduko, Maisorreko, Basatxerriko eta Aizpeolako produktuekin, eta, gainera, Ustekabe txarangak musikaz alaituko du giroa.