Uda garaian Zestoan ospatuko dituzten festak eta bestelako jarduerak antolatzen jarraitzeko bigarren bilera egingo dute bihar, 19:00etan, Alonderon. Zestoako Udalak, beste behin, bilerara joatearen garrantzia azpimarratu du, herritarrek bertan proposatzen dituzten gaiek "erabateko lehentasuna" izango dutelako egitaraua prestatzerakoan.
Besteak beste, honako gaiak izango dituzte hizpide biharko bileran:
- Udan zer Zestoan?
- Uda amaierako kontzertuak.
- Adinekoen eguna.
- Festetako egunak errepasatu.
- Txupinazoa nork botako duen aztertu.