Sanisidroak ospatu dituzte asteburuan Arroabean, eta giro ederra nagusitu da festek iraun duten bi egunetan. Ostiralean hasi zituzten jaiak, mus txapelketarekin, eta atzo, beste hainbat ospakizun izan zituzten auzotarrek: hain zuzen, umeentzako eta gurasoentzako herri kirol saioak prestatu zituen jai batzordeak arratsaldean, eta ondoren, buruhandiekin jolasean ibiltzeko parada izan zuten haurrek. Ohi bezala, kantu poteoan aritu ziren iluntzean, eta herri afarirako elkartu ziren gero Zentroan. Gauean, berriz, Zirkin DJarekin musika doinuz eta dantzaz eman zien amaiera festei.