Egun osoko egitarauarekin ospatu zituzten aizarnarrek eta Aizarnaza betaratu zirenek atzo Pazko Jaiak, eta ohiko moduan, giro ederra nagusitu zen goizetik iluntzera bitartean. Urtero legez, artisauen postuak jarri zituzten goizean plazan, eta haurrentzako ekintzak nahiz jolasak ere egin zituzten goizean eta arratsaldean.
Eguerdi partean, berriz, trikitilariek girotu zuten auzoa, eta txekorra eta sagardoa dastatzeko aukera ere izan zuten han elkartu zirenek. Era berean, Berrerabilitako materialekin sorkuntza erakusketa zabalik izan zen Anbuko zelaian.
(Argazkiak: Ane Aranburu)