Zuhaitz landaketa egin zuten atzo, larunbatez, Ertxiña mendian, Zestoako eta Mendaroko udalek eta Itziarko Auzo Udalak elkarlanean eta Naturtzaindiaren laguntzarekin antolatuta. Guztira, 180 zuhaitz landatu zituzten Zestoako mendi horretan, auzolanean. Haur zein heldu animatu zen landaketan parte hartzera, eta elkarrekin aritu ziren arbolak sartzen. Arteak eta gartxuak landatu zituzten.
(Argazkiak: Zestoako Udala/Zigor Plazaola)