Bukatu dira aurtengo Iraetako santainesak. Joan den astebururako zein asteburu honetarako era guztietako jardueraz betetako egitaraua prestatua zuten, eta aurreikusitako dena behar bezala eginda, aurtengo jaiak ondo ospatuta utzi dituzte. Hain zuzen ere, herri afaria antolatu zuten festetako azkenaurreko ekintza gisa, eta jende mordoxka batu zen auzoko frontoian. Ondoren, Olber DJa arduratu zen musika jartzeaz, eta festa beste pixka bat luzatzeaz.
