Emakumeei zuzendutako makineria ikastaroa antolatu dute Bionekazaritza eta Biolur elkarteek elkarlanean. Hori horrela, hilaren 29an, astelehenean, Iraeta auzoko Amilibia baserrian elkartuko dira 10:00etatik 14:30era bitartean, nekazaritza munduan funtsezkoak diren makinak ezagutzeko eta horiek nola erabili ikasteko.
Goizean zehar erabiliko dituzten tresnen artean egongo dira honakoak: sasiak garbitzeko makina, motokultorea eta motozerra. Emakume guztiek har dezakete parte, eta ez da beharrezkoa aurretik nekazaritzako makinerian esperientzia izatea.
Interesa duen orok dagoeneko eman dezake izena ikastaroan bionekazaritza@gmail.com helbidera mezua bidalita. Plazak mugatuak direnez, bazkideei emango zaie lehentasuna. Bazkide ez direnek 15 euro ordaindu beharko dituzte; bazkideek, aldiz, 10 euro.