Zestoako kiroldegiko kantxa zabalik dagoela jakinarazi du Zestoako Udalak. Izan ere, kiroldegiko estalpearen berrikuntza lanak direla medio, itxita egon da kantxa hainbat astez, baina garbiketa eta txukunketa lanak amaitu dituzte jada eta erabiltzeko moduan dago berriz ere.
Halere, udalak jakitera eman duenez, oraingoz entrenamenduak egiteko soilik erabiliko da, eta epe laburrean erabili ahal izango dute gainontzeko herritarrek. Gaurtik aurrera, adibidez, eskola kiroleko entrenamenduak bertan egiten hasiko dira.