Zestoako eskola txikiko parkearen konponketa lanek hilabete inguru iraungo dutela aurreikusten du udalak. Izan ere, urtarrilaren 7an, Zestoako eskola txikiko parkearen zati bat kiskalita geratu zen herritar batek eragindako sute txiki baten ondorioz.
Zestoarren segurtasuna bermatze aldera parkerako sarbidea debekatuta dago egun, eta horrela jarraituko du lanak amaitu bitartean. Zestoako Udalak dagoneko eskatu du kiskalitakoa ordezkatzeko jolas berria, eta hilabeteko epean konpontzea, ingurua txukuntzea eta parkea berriz ere zabaltzea da asmoa.