Arroabean hasita daude Gabonetarako prestaketekin, eta dagoeneko jarri dituzte entseguetarako datak abenduaren 24an Gabon eskean atera nahi duten herritarrentzat. Bihar izango da aurreneko saioa, 17:00etan hasita, Elkargunean. Ordu erdiko iraupena izango du entseguak.
Bihar ez ezik, abenduaren 14an, 19an eta 21ean ere elkartuko dira Gabon eskerako prestatzeko. Egun horietan ere Elkargunean bilduko dira, 17:00etan.
Antolatzaileek jakinarazi dute, abenduaren 24an eskean ateratzeaz gain, abenduaren 30ean Zestoako San Juan eta Gisasola egoitzetara joateko asmoa dutela, haietan bizi diren adinekoei opariak ematera.