Bukatu dute Zestoako aurtengo Arkeologia Astea. Antxieta arkeologia taldeak udaletxeko arkupeetan gaur eguerdi partean jarri duen erakusketa izan da egitaraua betetzat eman duen jarduera. Zestoako eta inguruko aztarnategietan azken urteetan egindako aurkikuntzak jarri dituzte ikusgai, herritarrek horien berri izan dezaten, eta bat baino gehiago izan dira jakin-minak bultzatuta erakusketa bertatik bertara ikusteko hautua egin dutenak.
Gaurko erakusketak eta astean zehar egin dituzten bi hitzaldik osatu duten aurtengo Arkeologia Asteako egitaraua. Asteartean Neandertalak Euskal Herrian izeneko hitzaldia emango zuten bihar Joseba Rios eta Asier Gomez ikerlariek Alonderoko aretoan; eta ostegunean, Zestoako ondare arkeologikoaren ingurukoan hitz egin zuen Iñigo Arizagak.