Martxan da aurtengo Zestoako Arkeologia Astea. Zestoako Udalak Antxieta arkeologia taldearekin elkarlanean antolatutako egitasmoa bi hitzaldirekin eta erakusketa-azoka batekin osatu dute, eta atzo arratsaldean eskaini zuten lehen hitzaldia Joseba Rios eta Asier Gomez ikerlariek Alonderoko udal aretoan. Neandertalak Euskal Herrian zen hitzaldiaren izenburua, eta "neandertalez blai" atera ziren bertaratutakoak, Antxietakoen hitzetan, "benetan bikaina" izan zen saioaren ondoren.
Bihar, toki eta ordu berean (19:00), Zestoako ondare arkeologiko aberatsa: ikuspegi orokor bat. solasaldia eskainiko du du Iñigo Areizagak.