Hemendik aurrera udalari kexak, iradokizunak eta bestelako oharrak adierazteko Zestoa Geuk Egina aplikazioa erabili beharko dute herritarrek. Orain arte udalaren webgunetik bidal zitezkeen mezu hauek, baina aplikaziotik "errazagoa" dela azaldu du Zestoako Udalak.
Aldaketa honekin udalaren eta herritarren arteko komunikazioa "azkarragoa, eraginkorragoa eta zuzenagoa" izatea da helburua. Horrez gainera, udalak argitaratzen dituen oharrak ere bertatik zuzenean jasotzeko aukera dute erabiltzaileek.