Adabaki antzezlanaz gozatzeko aukera izango dute bihar arratsaldean. 17:30ean igoko dira oholtzara Ada eta Baki pailazoak, Arroagoian.
Honela aurkezten dute egileek antzezlana: "Atal, txaplata, petatxu, puska. Bi pailazo, leku bat eta mila aukera. Erori eta jaiki, korrika egin, haserretu, bakeak egin, maitatu eta gorrotatu, puskatu, osatu, berriz puskatu eta elkarrekin berreraiki. Dena konpon daitekeelako eta jolasak ez duelako mugarik. Ada eta Baki pailazoek ez diote haserretzeari beldurrik, beti aurkitzen dutelako elkarrengana itzultzeko bidea. Adabaki emozioz eta jolasez beteriko ikuskizun optimista da".