Euskalgintzaren Kontseiluak azaroaren 4rako manifestazioa deitu du Bilbon, 17:00etan, Euskaldunatik abiatuta. Deialdi horri lotuta, Zestoako Udalak azaroaren 2rako solasaldia antolatu du, 18:00etan, Alonderon.
Auzitegietako azken epaiek nola eta zertan eragingo digute herritarroi? izenburu hartuta hitz egingo dute Iñigo Urrutia Administrazio Zuzenbideko EHUko irakasleak eta Miren Segurola Uemako koordinatzaileak.
Zestoako Udalak solasaldian parte hartzera deitu ditu herritarrak, eta horrez gainera, gogorarazi du azaroaren 4ko manifestaziora joateko autobusa antolatu dutela Zestoatik. 15:00etan irtengo du Azpeiti alderako autobus geltokitik. Autobuserako txartelaren salneurria 5 euro da, eta Portale kulturgunean eskuratu daiteke.