Erakusketa berria hartuko du Zestoako Alondero aretoak. Kepa Zabalegi zestoarrak bertako hostoen bilduma osatu du, eta horiek erakusgai jarriko ditu egunotan Alonderon bertan. Bihar, asteartea, irekiko dute erakusketa 17:00etan. Zestoa Osasuntsu programaren barruan egingo dute aurkezpena, baina hurrengo egunetan ere irekita egongo da. Urriaren 25ean 11:00etatik 13:00etara eta 17:00etatik 19:00etara eta urriaren 26an 11:00etatik 13:00etara.
Bertako ehun hosto baino gehiago jarriko ditu ikusgai Zabalegik, eta egilea Alonderon bertan egongo da erakusketa bideratzen.