Zubimusu etxearen ondoko bidea irekita egongo da asteburu osoan, gaur 19:00etatik astelehen goiza arte. Joan den asteartetik itxita dago bide hori ibilgailuentzat zein oinezkoentzat, ekainaren 18ko luiziak eragindako kalteak konpontzeko eta harri lubeta berria egiteko lanak egiten ari baita Zestoako Udala.
Udalak aurreratu zuen asteburu honetan bidea irekita izango zela. Lanak, ordea, ez dituzte amaitu, eta astelehenean berriro ordezko bideetatik ibili beharko dira bide hori erabiltzen duten herritarrak. Hala ere, astelehenetik aurrera lan orduetan bakarrik itxiko dute bidea, 08:30etik 19:00etara, hain zuzen.