Aste guztian Ipintza kalean autorik aparkatzerik ez dela egongo jakinarazi du Zestoako Udalak, eta eskatu du dagoeneko kale horretan aparkatuta dauden ibilgailuak kentzeko gaur iluntzea baino lehen. Izan ere, kiroldegiko estalperako aurreneko egurrezko lau habe ekarri behar dituzte gaur gauean, eta aparkaleku osoa beharko dute horientzat.
Udalak aurreratu duenez, gutxienez astebete beharko dute habe horiek jartzeko, baina baliteke lanak apur bat luzatzea ere. Lan horiek egiten ari diren bitartean debekatuta egongo da Ipintza kalean autoak aparkatzea.