Zestoa eta Aizarna artean ezkurrak bildu dituzte gaur goizean herritarrek. Artadiak berreskuratzeko helburuarekin, Zestoako eta Mendaroko udalek zein Itziarko Auzo Udalak elkarlanean antolatu dute jarduera, Naturtzaindia elkartearen laguntzarekin.
09:00etan abiatu dira Zestoako plazatik eta guztira hiru kilometroko ibilaldia egin dute Aizarnaraino ezkurrak jasoz. Ondoren, indarberritzeko, Aizarnako Aranburu jatetxean egin dute otordua.
(Argazkiak: Zigor Plazaola)