Irailarekin batera urtero egin bezala, Xabin Etxaide oroituko dute Zestoan, haren hilketaren 38. urteurrenaren bueltan; izan ere, irailaren 25ean 38 urte beteko dira GALek Xabin Etxaide zestoarra eta Inaxio Astiasuinzarra, Jose Mari Etxaniz eta Agustin Irazustabarrena hil zituela Baionako Monbar hotelean. Haien hilketa salatzeko eta Etxaideren oroimenez, mendi ibilaldia eta ekitaldia egingo dituzte Zestoan, Egia bide, askatasuna amets lelopean.
Goizean, Ertxiña mendira ibilaldia egingo dute, 09:00etan plazatik abiatuta. Ondoren, 13:00etan, kalejiran joango dira Etxaideren oroitarriaren parera, eta han ekitaldia egingo dute.