Azken txanpan dira Aizarnako Amabirjin jaiak, baina festetako azken eguna izanagatik, ez da ekitaldirik faltako. Eguerdian, esaterako, umeen krosa egin dute Aranburu landetxearen ondoko zelaian.
Arratsaldean, berriz, 18:00etan hasita, pentatloi erakustaldia eskainiko dute Andoni Iruretagoien Izetak, Jagoba Otaegik, Xabier Zalduak eta Mikel Agirrek; gainera, Lur Errenkondo harri jasotzen ariko da.
Jaiei bukaera emateko, 22:00etatik aurrera, Enaitz Alberdi eta Oibar Olano trikitilarien emanaldia izango da. Horrekin agurtuko dituzte aizarnarrek zapatuan hasi zituzten aurtengo amabirjinak.
(Argazkiak: utzitakoak)