Zestoako Amabirjin jaietako larunbatean, irailaren 9an, paella prestaketa eta paella jana izango dira urtero legez. Ekitaldi hori antolatzeko bilera deitu du Zestoako Udalak datorren asteazkenerako, abuztuaren 9rako; 19:30ean izango da bilkura, Kultur Etxean.
Udalak azaldu duenez, derrigorrezkoa izango da kuadrilla edo talde bakoitzetik gutxienez ordezkari bat joatea datorren asteko bilerara; hala egiten ez dutenek ezingo dute egitasmoan parte hartu.