Bere bilduman errepikatuta dituzten aleei irtenbidea emanez herritarrei liburuak modu onean erosteko aukera eskaintzeko, bigarren eskuko liburuen azoka antolatu du Zestoako Udal Liburutegiak.
Bihar hasita, datozen hiru ostiraletan –uztailak 7, 14 eta 21– goizez aterako dituzte liburuak liburutegiaren atarira, 09:00etatik 12:30era, herritarrei "liburu izugarriak prezio onenetan" erosteko aukera eskainiz; 2 eta 4 eurotan salduko dituzte bigarren eskuko liburuak.