Etzi, ekainaren azken egunean, eskainiko dute aurtengo soinu banden kontzertua Zestoako Musika Bandak eta Tolosako Arimaz ganbera orkestrak.
Udako lehen egunetan ohiko bihurtu da Zestoako eta Tolosako taldeetako musikariek elkarrekin prestatzen duten aire zabaleko kontzertua. Aurten ere Euskal Herria plazan jarri dute hitzordua, 22:30erako.
Ordu horretatik aurrera, honako pelikula hauetako soinu banden musika entzuteko aukera izango dute Euskal Herria plazan elkartzen direnek: Apolo 13, Fiddler on the roof, Avatar, Up, How to train your dragon, Princess Mononoke eta King Kong.