Zestoako Gazte Asanbladak deituta eta Eliza negoziatu, Gaztetxea Zentrora! lelopean, etzi, osteguna, elkarretaratzea egingo dute Donostian, Gotzaindegiaren aurrean, 18:00etan hasita. Leloak dioen moduan, Eliza negoziatzera eseriarazi nahi dute Gazte Asanbladako kideek; izan ere, bere jabetzakoa den Elizondo eraikinetik atera ezean, berriz ere bide judizialari ekingo diola jakinarazi zien Elizak gazteei orain dela aste batzuk.