Umorez eta gogotsu ospatu zuten atzo Zestoan santakutzen hasiera. Helduen danborradako zortzi taldeak kalez kale ibili ziren 22:30etik aurrera, Gurutzean eta herriko plazan geldialdiak eginda; plazan, danbor festaren azken txanpan, herriko bandera eta ikurrina igo zituzten udaletxeko balkoian. Hemen, bezperako danborradaren argazki bilduma.
Gaur, berriz, umeen txanda izango da. 18:00etan hasiko da hainbat berrikuntza izango dituen danbor jotzaile gaztetxoen desfilea.
